Davao City – Malampusong nadakpan sa Bunawan PNP ang managsuong target sa buy-bust operation didto sa Purok 7, Apokon, Tagum City niadtong adlaw’ng Dominggo, Pebrero 24.
Sa interbyu sa RMN Davao kang Bunawan PNP station commander Noel Villahermosa nga nadakpan ang mga suspek human positibong napalitan kini og shabu sa ilahang asset.
“Naga-operate ni sila sa ilahang illegal business sa Davao del Norte ug sa Davao City specifically diri sa Bunawan area,” matud ni Villahermosa.
Ang mga suspek giila nga sila Edwin Manumboc Monteverde, 25 anyos, estudyante, Edelson Manumboc Monteverde, 24 anyos ug 17 anyos nila nga manghod.
Samtang naaktuhan nga naghit-hit og shabu ang ilahang menor de edad nga igsuon ug laing suspek nga si Ramil Royo De Gracia, 28 anyos ug residente sa Purok Aluya, Binuagan, Maco, Compostela Valley Province.
Mobalor sa P120,000 nga shabu ang nasakmit sa mga awtoridad sa maong operasyon.
Kasong may paglapasa sa RA 9165 ang ipasang-at sa Bunawan PNP sa mga suspek samtang gihulat nila karon ang assessment sa DSWD sa naaresto usab nga menor de edad .
RadyoMaN Aimee Guinita
