MOPJ Warden Tagarda, mibutyag nga katungod sa PDEA Director ang magpagawas og pamahayag batok kaniya

63

Katungod matud pa ni Philippine Drug Enforcement Agency kon PDEA10 Director Wilkins Villanueva nga magpagawas og pahayag batok kaniya.

 

Kini ang tubag ni Provincial Warden Dominador Tagarda human nga madakpan ang iyang duha ka anak sa PDEA kagahapong adlawa.


 

Matud ni Tagarda nga magpadayon siya sa iyang trabaho ug moretiro siya kung kanus-a siya angayan nga moretiro.

 

Dugang pa ni Tagarda nga alang kaniya ala siyay nahimong kalapasan tungod kay ang iyang pagdumala sa provincial jail makiangayun ug iyang giampingan ang iyang posisyon.

 

Gibutyag usab ni Tagarda nga kung aduna may tawo nga nagka-interest kaniya ila kining katungod  tungod kay managlahi ang hunahuna sa tawo.

 

Samtang giklaro ni Warden Tagarda nga limpiyo ang iyang konsensiya nga moretiro sa iyang trabaho.

 

Matud ni Tagarda nga wala siya maghimo og kalapasan nga ikadaut sa iyang dungog.

 

Dugang pa niini nga kanunay siya nagpahimangno sa iyang mga anak, ug labaw sa tanan, wala siya nahimong protector sa illegal nga droga.

 

Nagtuo si Tagarda nga gihimo lang sa PDEA10 ang ilang trabaho  ug wala siyay problema niini.

Facebook Comments

From Advertisers