Davao City – Walay rason ang mga tag-iya og establisimiento ug mga boarding houses nga dili sila muhatag og konsi-dirasyon sa ilang mga mangabangay tungod tataw man kaayo nga ang tanan nawad-an og trabaho ug sweldo hatud sa krisis nga gidala sa 2019 corona virus disease kon covid-19 nga maoy hinungdan ngano gipaubos ang kadaghanang lugar sa nasud sa kapin duha ka bulan nga enhance community quarantine.
Gibutyag ni Mindanao Advocacy and Social Communication Focal Person Candido Aparece Junior nga dili angay mubalibad ang mga tag-iya og establisimiento ug mga boarding houses sa pabor nga gipangayo sa ilang mga tenants nga dili una sila mubayad sa abang hilabi na nga wala pa gyod sila makatindog pag-usab gikan sa epekto sa implementasyon sa ECQ nunot sa taas nga kaso sa COVID-19.
Sigun ni Aparece nga dili sab maayo nga pabayron dayon sa batal nga mga buwan ang mga nag-abang apan mas maayo tagi-tagihon ang bayad aron dili malisdan ang mga tenants sa obligasyon ug kini isip ta-bang na lamang sa mga negosyante nga nagparenta.
Gidayeg ni Aparece ang ubang kumpanya nga nagpatuman og mga palisiya kansang naghatag og igong panahon sa ilang mga kliyente nga makaimpas sa obligasyon apan sa hinay-hinay nga pamaagi ug angay kini sundugon sa uban bisan og nag-General Community Quarantine na karon ang Pilipinas.
RadyoMaN Joel Viray
