Moratorium sa Duterte-church fight gipaboran

Davao City – Usa ka maayong lakang ang nahimo tali sa presidente sa Pilipinas ug pangulo sa simbahang Katoliko ang nakab-ot nga moratorium nga undangon na ni Pres. Rodrigo Duterte ang pagpanghilabot sa simbahang Katoliko ingon man usab ang Catholic Bishops Conference of the Philippines (CBCP) nga dili na manghilabot sa estado.

Sumala ni Sovereign Grace Baptist Church Pastor Andres Atup, ensakto ang gihimo nila ni CBCP Pres. Romulo Valles ug Duterte nga undangon na ang bangi aron matuman ang giingong ‘seperation of church and state’.

Tungod niini nanghinaot si Pastor Atup nga kining nakab-ot nga kasabotan karon tali sa simbahan ug estado hangtod sa hangtod na ug dili temporaryo lamang.


RadyoMaN Bernard Pantallon

Facebook Comments