MORE POWER CORPORATION, GINPASALIG NGA MAS MANUBO ANG PRESYO SANG KURYENTE NGA IGA-DISTRIBUTE SA SIYUDAD SANG ILOILO.

Mas manubo nga presyo sang kuryente ang iga-distribute sang More Power Corporation sa siyudad sang Iloilo.

Ini ang ginpasalig ni Mr. Roel Castro, Presidente kag Chief executive Officer sang More Poiwer Corporation sa iya pag-presentar sa mga negosyante sa siyudad.
Suno kay Castro nga ginabanta masobra piso kada kilowatt hour ang iganubo sang presyo sang kuryente nga ila iga-distribute sa mga konsumidor.

Ginpahayag sini nga yara na sa final stages ang ila ginahimo nga negosasyon sa pila ka mga power producers kasubong sang AP Renewables Incorporated, KEPCO SPC Power Corporation, Palm Concepcion Power Corporation kag Panay Energy Development Corporation ukon PEDC.


Nahibaluan nga ang More Power Corporation amo na ang bag-o nga power distributor sa siyudad matapos pirmahan ni Presidente Duterte ang hagna nga nagahatag sa ila sang prangkisa kabaylo sa PECO.

Facebook Comments