Most wanted carnaper sa Panabo, arestado

Davao City – Kasong paglapas sa Republic Act 10883 (New Anti-Carnaping Act of 2016) ang atubangon sa usa ka lalaki nga gikonsiderang Top 7 Most Wanted Person, atol sa gihimong “Oplan Bakal Sita” sa usa ka resto bar sa Barangay Gredu, Panabo City, Davao del Norte.

Sa report sa Panabo City Police Station, giila ang dinakpan nga si Alexander Entecia, 19 anyos, laborer, ug residente sa Barangay New Pandan, Panabo City.

Ang Oplan Bakal usa ka police operation sa mga establisemento, sagad bar o night club, diin surpresang magpahigayon og inspeksyon ang kapulisan pagsigurong walay gigunitang pusil ang mga customer.

Didto usab na-identipika ang wanted person nga naaktuhan sulod sa establisemento.

Gibalhog na ang suspek sa Panabo City Police Station, diin ang kaso adunay girekomendang pyansa nga P300,000.

RadyoMaN Kirby Manzon

Facebook Comments