Jamindan, Capiz – Arestado sang kapulisan sang Jamindan sa pagpamuno ni Police Major Cherryl Visto ang isa ka Most Wanted Person samtang ini ang nagatinir sa Sitio Cabriana, Barangay Agcococ, Tapaz, Capiz.
Ginserbehan sang warrant of arrest ang akusado nga nakilala kay John Famucol y Farinas, 19- anyos may yara sang live-in partner kag residente sang nasambitan nga barangay.
Ang amo nga persona ang may yara sang ginapangatubang nga kaso nga Rape sa idalom sang Article 266-A (1) (a) sang Revised Penal Code. Wala naman sang piyansa nga ginrekomendar ang hukmanan para sa temporaryo sini nga kahilwayan.
Luwas diri, nagapangatubang man ang amo nga persona sang kaso nga pagbayolar sa Section 5 (b), Article III sang Republic Act No. 7610 kun sa diin nagalab-ot sa P200,000 pesos ang piyansa sini.
Ang warrant of arrest ang ginpapanaog ni Honorable Judge Rommel L. Leonor sang 6th Judicial Region, Regional Trial Court, Branch 21, Mambusao, Capiz.
Sa subong yara na nakahunong sa karsel sang Jamindan PNP ang amo nga persona kag natalana nga igapresentar sa korte nga nagpapanaog sang warrant of arrest sini.
📷 Jamindan MPS
