Motibo sa pagpatay sa kolektor sa luna sa Barangay Calumpang, padayon pang ginasuta

12

General Santos City–Naglusad na karon ug makuting imbestigasyon ang Police Station 5 sa pagpanguna ni Police Chief Inspector Basher Alindo, kini kabahin sa pagpusil patay sa collector sa yuta sa pamilyang Lanoy nga naila sa pangalang Bernabie Sagitarios, 49 anyos, lumulopyo sa may Purok Accord, Barangay Calumpang ning dakbayan .

Nasayran nga bandang alas 7:35 sa buntag una nang anaa sulod sa ilang compound ang biktima apan kalit lang mibutho ang duha ka wala pa mailhing suspetsado deritsog pusil ngadto na sa biktima nga merisulta sa kamaatayon sa nahisgutan.

Sa gihimong pakighinabi sa RMN news team ngadto na kang Jayson anak sa biktima gibutyag niini nga wala sila’y nasayran nakalaban ang iyang amahan gumikan gikan sa trabaho sa ilang balay raman ang biktima.

Samtang wala karon gibaligwala sa Police Station 5 ang angulo nga may kalabutan sa trabaho isip collector sa luna nga gipanag-iyahan sa pamilyang Lanoy ang pagpatay sa biktima.(Ray Sabillo)

Facebook Comments