Motibo sa pagpatay sa maglive-in sa Tupi ginasuta pa sa kapulisan

33
Accident or crime scene cordon tape, police line do not cross. It is nighttime, emergency lights of police cars flashing blue, red and white in the background

Tupi, South Cotabato–Nagpadayon ang imbestigasyon sa kapulisan sa Tupi South Cotabato bahin sa kamatayon sa maglive-in partner nga silang Alfred Yumol og Antonete Fausto nga susamang mga residente sa Lanton, Brgy Apopong ning syudad sa Gensan.

Kahinumduman unang nakit-ang patay ang duha ka mga biktima sa awaaw nga bahin sa Brgy Kablon, Tupi niadtong nakalabayng adlaw. Sumala ni Police Major Berlyn Pampilona- Hepe sa Tupi PNP, nakit-an sa usa ka trabahante ang mga biktima nga parehong samdan agig pinusilan sa kalibre 45.


Dugang ni Pampolina nga tulo ka samad ang naakon sa biktimang lalake samtang adunay lima ka samad pinusilan ang babaye sa iyang nawong og likod nga bahin sa iyang ulo. Narekober matud pa sa crime scene ang mga basyo sa bala nga posibleng maoy miigo sa lawas sa mga biktima.

Sa karon ginasuta pa sa kapulisan ang pinakaduol nga motibo sa mga suspek sa pagpusil patay sa mga biktima. Migawas usab matud sa imbestigasyon sa Tupi Police Station nga adunay asawa ang biktimang si Alfredo gawas sa iyang kapuyo. Dili pa tin-aw ang hinungdan sa pagpatay kanila apan sutaon sa kapulisan ang posibilidad nga love triangle. Padayon sa pagkalap ug impormasyon ang kapulisan tumong nga masayran kung kinsa ang mihimo sa pagpatay sa mga biktima.(JB)

Facebook Comments