Motibo sa pagpusil-patay sa usa ka sundalo, padayong gi-imbestigahan sa kapulisan

12

General Santos City–Padayon pa ang ginahimong imbestigasyon sa kapulisan sa pagpusil-patay sa sundalong si Master Sgt. Ruben Hernaiz nga natigayon ni-adtong milabay’ng adlaw sa purok 8, Brgy,. Katangawan.

Sumala kang Police Major Rexor Canoy, tigpamaba sa Gensan City Police Office nga gihatagan na ug direktiba ang kapulisan nga sakop sa Police Station 8 alang sa paspas nga pagresolba sa maong krimen.

Ginasuta pa usab kung adunay mga CCTV sa palibot kung asa nahitabo ang krimen alang sa posibleng ilhanan sa duha ka suspek.

Dugang pamahayag ni Major Canoy nga tanang anggulo ang ilahang ginatan-aw sa maong krimen ug ginapaningkamutan sa kapulisan nga mahatagan ug hustisya ang biktima.

Saysay niya nga gawas sa Police Station 8, lakip nga nagatutok sa maong kaso mao ang gimugnang Special Operations Group.(LVR)

Facebook Comments