Magahiwat sang silent protest ang motorcycle riders club sa Iloilo agud ipakita ang ila pagpamatuk sa RA 11235 ukon ang Motorcycle Crime Prevention Act kon sa diin naga-require sang mas dalagku nga plaka sang Motorsiklo.
Suno kayv Dante Pamonag, isa sa mga organizer sang silent protest nga kapin sa 164 ka motorcycle clubs ang magaupod sa protesta.
Magatipon-tipon sila sa Atria kag magalibot sa mayor nga dalanon sa bug-os nga siyudad sang Iloilo kag magatapos man sa Atria.
Suno kay Pamonag nga indi sila pabor nga bag-uhon ang plaka sang motorsiklo kag wala man lamang naghiwat sang public hearing ang kongreso sa pagdihon sang nasambit nga kasuguan.
Nahibaluan nga igapatuman na ang RA 11235 matapos pirmahan ini bilang kasuguan ni Presidente Rodrigo Duterte sang Marso 8, 2019.
