Motorcycle driver angol human nilikay

Wala na makontrola sa usa ka drayber ang iyang padagan sa dihang gilakayan niini ang nitabok nga bata sa kalsada hinungdan sa iyang pagkadisgrasya.

Daling gitabang sa mga personahe sa City Transport and Traffic Management Office kun CTTMO ug 911 ang biktima nga giilang si Muhammad Ayta Aimen, hingkod ang edad ug residente sa Boulevard ning Siyudad human nabangga ang iyang gidrayban nga single XRM motorcycle nga natigayun dinha sa dalang Quimpo Boulevard atubangan sa Almendras gym ning dakbayan sa Dabaw.

Sumala ni Ryan Villegas, traffic officer sa CTTMO, alas 5:59 kaganinang buntag samtang pauli si Aimen sa iyang balay apan pag abot sa nasangpit nga lugar, usa ka bata ang kalit nitabok sa kalsada nga gilikayan sa biktima hinungdan nga nabangga ang iyang gidrayban nga motorsiklo sa kilid sa semento nga bahin ug nalagpot ang iyang motor nga miresulta sa iyang pagkaangol gani dili na halos malihok sa biktima ang iyang walang abaga nga maoy nabagnus sa semento.


Gidala gilayon ang biktima sa Southern Philippines Medical Center aron sa pagpatambal samtang ang motorsiklo niini gi-turnover na sa CTTMO ngadto sa San Pedro Police Station for safe keeping.

Kasamang Don Pulayao

tags: Mindanao, Davao City, DXDC, DXDC 621, Don Pulayao, 911, City Transport & Traffic Management Office (CTTMO) Traffic Enforcer Ryan Villegas

Facebook Comments