Motorista irido na calsada

Ya guinda na hospital el un motorist despues ya accidenta na highway del Mercedes del Lunes medio dia.

El victima amo si Mohammad Solangsay y Amoh, 26, soltero de Villa Teresa Subdivision, Mercedes.

Asegun na report del pulis ta aparese ta maneja motorsiclo si Solangsay na calsada cuando derenpte asegun este ya travesa y ya man chaguis na un hauler truck que ta maneja si Jeronimo Pastor y Titoy, 46, de Tampilisan, Zamboanga del Norte.


Con Solangsay ya lleva na hospital abordo na ambulancia mientras el ambos vejiculo ya man impound na Culianan Police Station.

Pero asegun con el pulis el victima ya entra na un areglo entre el chuper del truck.

Facebook Comments