Kalibo, Aklan — Kulong makaron sa lock up cell it Kalibo PNP ag magapangatubang it kasong pagbayolar sa Comelec Gun Ban rong sangka motorista matapos nga madakpan it siyaw sa ginpatigayon nga checkpoint ko mga taga Kalibo PNP sa may Linabuan Norte, Kalibo, Aklan.
Ro suspek nakilaea kay Rodel Parohinog, 32-anyos ag residente it Poblacion, Balete.
Sa blotter report it Kalibo PNP nga ginparahan ro nasambit nga suspek ag nakit-an nga may naga bukoe sa anang hawak ag sa pag-usisa nabuoe rong siyaw nga naga haba it 11 pulgada kaibahan ro ana nga tagob ag pueo.
Samtang sa pihak nga parte, may 7 man ka mga motorsiklo rong impounded sa Kalibo PNP matapos nga makitaan it bayolasyon rong driver ag motorsiklo.
Dugang pa nga 30 ka sako man it uling ro nakumpiska it kapulisan sa checkpoint matapos nga uwa it maipakitang permit to transport rong tag-iya.
(c) owner
