Motorista naligsan-patay

South Cotabato – gideklarang dead on arrival sa ospital ang usa ka motorista kansa lambigit sa disgrasya sa kadalanan sa National Highway, Barangay San Vicente, Banga, South Cotabaton niadtong nakalabayng adlaw.

Giila ang biktima nga si Ervin Prayco Servando, 28, single, ug residente sa Barangay Reyes, Banga, South Cotabato.

Sa inisyal nga imbistigasyon sakay sa iyang motorsiklo ang biktima diin naglawig kini sa National Highway apan kalit lang niining nabangaan ang mitabok nga iro sa kalsada.


Tungod sa impact natumba ang biktima diin nalagpot kini sa pikas lane nga miresulta nga siya naligsan sa nagdagan nga pick-up nga gimanihuan sa usa ka negusyante nga giilang si Nixonlie Pastrana Pendon, 50, nga taga Surallah, South Cotabato.

Sa karon ang patayng lawas sa biktima anaa na sa lokal nga punerarya sa Banga samtang nagpadayon ang gihimong imbistigasyon sa kapulisan kalabutan sa maong insidenti.

Facebook Comments