Davao City – Dead on arrival sa Southern Philippines Medical Center (SPMC) ang usa ka motorista human nabangaan sa trailer truck nahitabo alas 10:45 sa buntag, Aug. 1, 2022 sa Buhangin, syudad sa Davao.
Sa report, nailhan ang motorista nga si Conrado Montera, 65 anyos, residente sa Barangay Mandug, Buhangin, syudad sa Davao samtang ang driver sa truck nailhang si Allan Fernando Asignon.
Sa esklusibong interbyu sa DXDC RMN Davao kang PCpl Chars Arbat, Traffic investigator sa Buhangin PNP diin gibutyag niini nga ang trailer truck gikan sa Indangan padulong downtown samtang ang motor gikan sa Pag-asa Buhangin, apan pag-abot sa nasampit nga lugar, nahitabo ang disgrasya ug nabanggaan ang driver sa mator ug napasok sa ilawom sa trailer truck.
Ang driver sa trailer truck nga si Asignon ang gikustodiya na karon sa Buhangin Police Station ug mag-atubang og kaso.
RadyoMan Don Pulayao
Facebook Comments
