General Santos City—Patay ang usa ka Motorista nga nailang si Bryll Bignayan, legal age, residente sa Sto. Nino, South Cotabato human mibangga sa likod nga bahin sa Isuzu Truck nga gimanihuan ni Arcel Sardido Alon, legal age, nga taga Purok 4, Raja Muda Bula, Gensan ang gimanihuan niining motorsiklo alas 9:45 ang takna sa gabi-e niadtong adlawng Sabado, Enero 11, 2020.
Subay sa inisyal nga imbistigasyon sa Traffic Management Unit gikan sa Barangay Conel ang biktima, pag-abot sa Udagre, Barangay Conel partikular na sa Diversion Road, nabangga-an sa biktima ang likod nga bahin sa truck kansa nag atras niadtong panahuna.
Gumikan sa kusog nga impact, nakaangkon ug grabeng samad sa kalawasan ang biktima nga hinungdan sa iyang kamatayon.
Nasayran nga nadala pa sa Diagans Hospital ang biktima apan nakabsan gihapon kini sa iyang kinabuhi gumikan na usab sa mga samad nga iyang naangkon.
Sa pahayag usab sa pamilya sa biktima, dili na sila mopasang-at ug kaso, sanglit aduna na silay inisyal nga panagsabot sa driver sa truck nga aregluhon nalang ang kaso bugti sa pagtubag sa gasto sa pagpahiluna sa patayng lawas sa biktima.
