MOTORNAPPING | Motorsiklo nga ginapanag-iyahan sang police officer sa banwa sang Pilar, gamayan lang nga makawat; Duha ka menor de edad nga look-out, nadakpan!

Pilar, Capiz- Arestado ang mga kawatan sang motorsiklo nga ginapanag-iyahan sang katapo sang pulis sa banwa sang Pilar alas 9:40 sang gab-e.
Suno sa Pilar PNP nabatyagan sang amay ni PO2 Ryan Duremdez y Buendia, 31-anyos sang Barangay San Fernando Pilar, Capiz ang pagsulod sang mga kawatan nga sanday Rufo Garcia kag Rayben Placer sa garahe sang poluy-an kun sa diin nabutang ang motorsiklo nga ginapanag-iyahan sang pulis.
Matapos nga makibot, madasig nga nagpalagyo sanday Garcia kag Placer sa kakahoyan. Apang natigayon nga madakpan ang duha ka mga menor de edad nga look-out sang mga ini.
Sa subong padayon nga nakahunong sa lock-up cell sang Pilar PNP ang amo nga mga persona.

Facebook Comments