Motorsiklo gibunal-bunalan

26

Davao City – Mireklamo sa Tugbok PNP ang usa ka tricycle driver nga si Rey Dablo, 33 anyos, residente sa Brgy. Los Amigos relocation kay matud pa niini gibunalan iyang tricycle nahitabo alas 12:30 sa tungang kadlawon.

Suspek naila nga si Rodel Dupa, 22 anyos ug residente ra usab sa nahisgutang lugar.

Base sa blotter sa Tugbok PNP nga samtang gi-parking lamang sa complainant iyang motorsiklo sa may Km. 22 Brgy. Los Amigos, kalit kuno gibunalan gamit ang wala pa matino nga bunal ang iyang tricycle hinungdan sa pagkawaskag sa windshield niini.

Hubog matud pa ang suspek niadtong mga panahona diin human sa panghitabo dali mitawag si Rey og assistance sa kapolisan sa Tugbok apan nakasibat na ang maong suspek.

Nasayran nga mokabat sa 3,000 ka pesos ang kantidad sa damyos sa nabuak nga windshield.

RadyoMaN Paul Canono

Facebook Comments