New Washington, Aklan – Patay rong driver ag bali rong hita it backrider matapos nga maaksidente sa ginasakyang motorsiklo kaina it aga-aga sa tulay nga sakop it Brgy. Tambak, New Washington (sa may Solteo) Aklan.
Rong namatay hay nakilaea kay Jerald Tabios, 23-anyos it Baybay, Tangalan ag rong backrider hay nakilaea kay Rex Neron, 22-anyos it Morales, Balete tanan hay mga criminology graduate.
Suno kay Neron nga kahapon hay nagtrato sanda ni Tabios nga mag inum-inum sa Tambak ay day off ni Tabios sa trabaho ag kaina it aga-aga samtang nagapuli eon sanda sakay it motorsiklo ag pag-abot sa may tulay hay sanda ra naaksidente.
Insigida man gin respondehan it mga taga PDRRMO ag MDRRMO rong aksidente ag ginpandaea sa hospital pero gin deklara nga dead on arrival si Tabios.
Si Tabios hay nakaangkon it lastro sa anang ueo nga gintunaan ko anang kamatayon samtang si Neron hay padayon nga ginabueong sa Aklan Provincial Hospital.
