Motorsiklo, nagbunggo sa truck sa banwa sang Pototan, driver sang motor, patay

Patay ang driver sang motorsiklo samtang pilason ang angkas sini matapos bumunggo sa nasugata nila nga truck sa Barangay Batuan, Pototan mga alas 3:40 kahapon sang hapon.

Ginkilala ang napatay nga si Genes Bulaquenia Jr., 27 anyos sang Barangay Saavedra, Igbaras, Iloilo samtang ang napilasan nga angkas sini ginkilala nga si Genesanos Miraflores, 30 anyos sang Banica, Roxas City.

Suno kay PO1 Esil Peniarubia sang Pototan PNP nga nag-overtake ang motorsiklo sa isa ka truck sa kurbada nga bahin sang dalan sa barangay Batuan , Pototan kon sa diin wala sini makita ang nagapadulong nga truck kabangdanan bumunggo ini nga gintunaan sang kamatayon sang driver nga gindeklarar dead on arrival sa ospital.


Samtang yara naman sa custody sang Pototan PNP ang driver sang truck nga si Ariel Depenio, 28 anyos sang Calao, Dumangas kag magapangatubang sang kaso nga reckless imprudence resulting to homicide, serious physical injuries and damage to property.

Nahibaluan nga nakaagum man sang pilas ang pahinante sang truck nga si Raniel Bayting, 20 anyos sang Calao, Dumangas, Iloilo.

Facebook Comments