KALIBO, AKLAN — Kritikal rong driver it motorsiklo matapos nga sumunggab raya sa kasubeang nga van kahapon it hapon sa Brgy. Rizal, Nabas, Aklan.
Nakilaea rong driver it motorsiklo nga si Jojit Sarsosa Y SeƱel, 38-anyos ag residente it Brgy. Cogon, Malay, Aklan. Samtang rong driver it van hay nakilaea man kay Extos Prado y Victoriano, 60-anyos ag residente it Brgy. Katipunan, Buruanga, Aklan.
Sun okay SPO4 Crispin Calzado, Deputy COP it Nabs MPS nga natabo rong aksidente samtang si Sarsosa hay halin sa Malay ag naga paadto kunta sa banwa it Nabas pero pag-abot sa may prente it eskwelahan it Brgy. Rizal aksidente na kara nga hinapit rong signage sa karsada nga nangin rason para madueaan raya it control ag umadto sa lane it van rason nga raya hassunggaban.
Nasayuran nga ron van hay halin sa Nabas ag naga pauli eon sa banwa it Buruanga.
Nakaangkon man it lastro sa sari-saring parte it eawas rong driver it motorskilo nga unang gindaea sa Malay Baptist Hospital pero ko ulihi gin refer raya sa sangka pribadong hospital sa Kalibo.
Nagkasugot man ro magtimbang nga parte nga magatao eon lang it bulig rong driver it van para sa pagpabueong ni Sarsosa.
