Motorsiklo ug sakyanan nagbangga sa lungsod sa Ramon Magsaysay, motor nabungkag driver patay

Ramon Magsaysay, Zamboanga del Sur – Patay ang 51-anyos nga motorista human gikabangga ang kasugat nga sakyanan sa may National Highway sa bisinidad sa Purok 2, Brgy. Esperanza sa lungsod sa Ramon Magsaysay ning probinsya sa Zamboanga del Sur ala 1:30 kagahapon sa hapon.
Ang namatay kinsa paingon na unta sa lungsod sa Molave, giila sa kapolisan nga si Oljol Vertudes Quilliano, taga Brgy.Commonwealth, Aurora ning probinsya.
Si Quilliano nagmaneho sa iyang Jialing, Zest X 110 nga motorsiklo samtang ang gikabangga niini nga Isuzu Wagon color dark silver nga gimaneho ni Roque Caparos Compente, 31-anyos, Regional Executive Officer sa Price Gases Inc., taga Brgy. Aguada sa Dakbayan saOzamis.
Sumala pa sa imbestigador sa Ramon Magsaysay Police Station nga si Police Corporal Rogelio Awa Jr., nga nagsubay sa managlahi nga lane ang duha; si Quilliano nga driver sa morsiklo paingon sa lungsod sa Molave samtang si Compente paingon sa lungsod sa Aurora apan pag-abot sa dapit nahitabuan aksidente nga nagbangga ang ilang gemaneho rason nga nawad-an sa control ang driver sa sakyanan ug ni-ambak sa basakan samtang nabungkag usab ang kasugat nga motorsiklo gumikan sa kakusog sa impact.
Ang nagmaneho sa single motor nalagpot ug nakahiagum og grabeng samad sa iyang ulo ug lawas nga miresulta sa hinanali nga kamatayon.
Gi-andam na ang kasong reckless imprudence resulting to homicide nga isang-at batok sa driver sa sakyanan.

Facebook Comments