Roxas City, Capiz – Nangin half-day lamang ang operasyon sang Metro Roxas Water District(MRWD) kaina nga adlaw sang Biernes agud nga hatagan sang ligwa ang pagpatigayon sang nagakaigo nga pag-disinfect sa nasambitan nga building. Ini matapos nga may yara sang isa ka persona nga taga-Barangay Culasi, Roxas City ang nagbayad sang water bill. Nakatigayon nga makalusot ang amu nga persona bangud nga Barangay Libas ang nakabutang sa address sang water bill nga pagabayran sini apang nahibaluan sang ulihi nga ini gali ang naga-istar na sa Barangay Culasi. Bangud sini, naalarma ang pamunoan sang MRWD kag insigida nga ginmando sa mga katapo sang security guard ang pagsara sa nasambitan nga building para sa nagakaigo nga dis-infection sa mga kagamitan kag sa lugar nga gintineran sini. Samtang gin-abisohan naman ang mga wala makahingagaw nga manugbayad nga kun mahimu sa Lunes na lang magbayad sang ila nga mga water bill.
