Mapagarbuhong gi-welcome sa kagamhanang probinsyal sa Misamis Oriental ang garbo sa lalawigan nga si Ms. Sherlyn Doloriel kinsa nahimong Ms. Scuba Philippines 2017.
Mahinumduman nga usa sa gihatagan og pagtagad ni Governor Bambi Emano mao ang sektor sa turismo sa lalawigan hinungdan nga gikalipay niini ang kadaogan ni Doloriel.
Nagtoo usab ang gobernador nga mamahimong modelo ang dalaga aron mas daghan pa ang maaghat nga mobisita sa probinsya ilabina sa nagkadaiyang diving sites.
Pinaagi unya niini, mas modako ang kita sa turismo sa Misamis Oriental.
Samtang, nanghinaot ang opisyal nga padayong mosuporta ang tanang Misamisnon ngadto kang Doloriel alang sa Ms. Scuba International 2017 nga ipahigayon sa Malaysia sunod bulan.
By: Lovelyrose Sambaan
