Muerte despues del amor

Un mojer ya lancia y mata consu live-in-partner durante el diila tomajan na Teresita Drive, San Roque del Webes denoche. Con el victima ya conose como si Mickenrie Obnimaga Warren, 43. Ya sostene le irida nap echo y ya lleva conele na hospital pero ya despidi por el hondo irida. Con el hechor ya aguanta el maga pulis ya ya sale conosido como si Criselda Alimansag Marilao, 39, del mencionao lugar. Asegun con el pulis, banda alas 8 del noche ta man tomajan el dos man live-in-partner cuando ya tene estos agarajan de palabra y hasta yan pelyajan ya estos. Amediante del diila pelyajan, ya saca si Criselda botelya y yah ace quebra donde el pedaso bridio amo este ya usa para lancia na pecho con Mickenrie. Asegun con el pulis, si Mickenrie quiere ya bira consu familia y déjà con Criselda donde possible este el rason del diila peleya. El pulis ta prepara ya caso para planta con Criselda na corte.

Facebook Comments