Sto. Niño, South Cotabato- Angol ang mukabat sa 13 ka mga pasahero sa usa ka multicab human kining nabalintong sa may Barangay Panay, Sto. Niño, South Cotabato alas-11:30 sa udto kagahapong adlawa.
Subay sa report sa Sto. Niño Municipal Police Station, nawad-an matud pa ug kontrol ang driver sa multicab nga si Sandy Fran, 43, nga taga Purok Marcos, Barangay Bambad, Isulan, Sultan Kudarat nga hinungdan sa pagbalintong niini.
Nasayran nga padulong unta sa Devine Heritage Cemetery sa Sto. Nino ang multicab, apan pag-abot sa lugar, nahitabo ang maong disgrasya.
Mga biktima nakaangkon ug minor injuries kansa dali nga gipangdala sa Ospital. Hinuon pipila kanila ang nakagawas na sa balay tambalanan human natambalan.
Facebook Comments
