Munato Festival sa Sarangani Ablihan na karong adlawa

Sarangani Province— pormal nang ablihan karong adlawa ang selebrasyon sa Munato Festival ug ika-25th year Founding Anniversary sa Sarangani Province.

Daghang mga aktibidad ang nakalinyada atol sa maong selebrasyon sama nalang sa Employees Got Talent, Sulong Kabataan Summit, ug ang Founder’s Night, kung magtigum ang mga tawong nagpaluyo sa pagmugna sa Sarangani diin sila gikatakdang pasidunggan.

Highlight sa selebrasyon mao ang Pearl Of Sarangani nga ipahigayon ugmang adlawa Nobyembre 29 diin magtigi ang mga kandidata gikan sa mga munisipyo sa probinsya.


Si Sarangani Governor Steve Chongbian Solon gidapit ang tanang katawhan sa probinsya ingon man sa kasigbit nga mga lugar nga tambungan ang Munato Festival gumikan daghan pa silag mga surpresang ihatag ngadto sa mga bisita.

Facebook Comments