Ginpaidalum sa RT-PCR test ang mga empleyado sang munisipyo sang Moises Padilla kahapon, Disyembre 7 matapos duha sini ka mga personnel ang nagpositibo sa COVID-19.
Suno kay Mayor Ella Garcia-Yulo, temporaryo karon nga naka-lockdown ang pila ka mga opisina sa munisipyo samtang ginahulat ang resulta sang swab test.
Lakip na sa mga ginsirad-an ang Mayor’s office, mga opisina sang Social Welfare and Development, Accountant, Assessor, Local Civil Registrar, Engineering, Teasurer, Budget, kag Economic Enterprise.
Sa karon naka-work from home ang mga empleyado tubtob nga magwa ang negatibo nga resulta sang RT-PCR test.
[image: image.png]
Facebook Comments
