MUNICIPAL GYM SANG MAASIN, ILOILO, GINGAMIT NA SA PAG-AKOMODAR SANG MGA PASYENTE NGA MAY DENGUE.

481

Ginbuksan na ni Mayor Francis Amboy ang Municipal gym sang banwa sang Maasin agud ma-akomodar ang mga pasyente nga may dengue.
Ini ang ginpahayag ni Mayor Amboy matapos indi na maakomodar sang Rural health Unit ang madamo nga mga dengue patients sa banwa sang Maasin.
Nahibaluan nga sa ramon Tabiana District Hospital sa banwa sang Cabatuan, kalabanan sa mga pasyente ang mga taga-banwa man sang Maasin.
Suno kay Amboy nga masobra 200 ka mga taga-Maasin ang confined sa ospital bangud sa dengue samtang indi man magnubo sa 40 ka pasyente ang yara karon sa ila Municipal gym.
Samtang, ginkumpirmar man ni Mayor Amboy nga nabiktima man sang dengue ang iya duha ka anak nga naga-edad 12 kag 7 anyos kag confined man sa isa ka pribado nga ospital sa siyudad sang Iloilo.
Bangud sini, ginapangabay sang alkalde ang iya mga kasimanwa nga padayunon gid ang pagpaninlo sang palibot agud indi na magtaas pa ang kaso sang dengue sa ila banwa.

Facebook Comments

From Advertisers