Municipal Hall compound sang Lambayong, Sultan Kudarat, ginlockdown sang pito ka adlaw, matapos nga nagpositibo ang syam ka mga empleyado.

Ginlockdown sang pito ka adlaw nga nag-umpisa kahapon, Oktubre 8, 2020 ang municipal hall compound sang Lambayong, Sultan Kudarat para sa ipatigayon nga disinfection kag containment.
Ini matapos suno kay Lambayong Municipal Administrator Rhuelo Aranadas nga syam ka mga empleyado sang municipal hall ang nagpositibo sa coronavirus disease ukon COVID-19.
Suno kay Aranadas ang pito ang may-yara sang close contact sa duha ka mga kaupod nga may travel history sa Davao City nga nagpositibo sa virus sang nagligad nga semana.
Ginkumpirmar niya man nga asymptomatic ang mga nagpositibo sa COVID -19 nga empleyado sang Lambayong LGU kag yara sa maayo nga kondisyon sa isolation facility sa probinsya sang Sultan Kudarat.
Sa subong nagahulat pa sila sang resulta sang swab test sang iba pa nga mga empleyado sang LGU kag halos nga mga empleyado ang nakawork from home magluwas lamang suno pa sa mga frontliners.
Samtang sa pihak sini, ginsiguro ni Aranadas nga padayon ang paghatag sang serbisyo sang lokal nga panggobyerno kag ang mga pumuluyo nga may transaksyon ang magpadulong sa mga opisina sang LGU nga yara sa gwa sang municipal ground.

Facebook Comments