Municipal Ordinance it banwang Kalibo nga 2013-008, gustong buhion it Sangguniang Bayan

Kalibo, Aklan — Gusto makaron nga buhion it Kalibo Sangguniang Bayan sa pagpanguna ni SB Cynthia Dela Cruz bilang Committee Chair on Environment rong Municiapl Ordinance 2013-008 ukon “Ordinance Regulating the Use of Plastic Bags and Styrofoam”.
Ro nasambit nga ordinansa hay nagabawae sa pag gamit it mga plastic bag ag styrofoam nga una eon raya nga ginpatupad ugaling uwa man nahapadayon.
Plano man makaron nga igapatawag rong mga stakeholders iya sa Kalibo kamana man ro mga dealer it plastic bag para sa sangka hinun-anon.
Pila sa mga rekomendasyon ni Dela Cruz hay ro pagtao it pinalidad sa pag bayolar sa nasambit nga ordinansa ag pagtao it insintibo sa mga naga gamit it reusable bag.
Naga salig man ro gobyerno local it banwang Kalibo nga sa ulihi hay uwa eon it maga gamit it plastic bag ag styrofoam.

Facebook Comments