Municipal treasurer ug bana sikop sa operasyon sa PDEA

General Santos City—Malampusong nasikop sa PDEA-12 sa pag panguna ni Dir. Gil Cesario Castro ang Acting Municipal Treasurer sa lungsod sa Palimbang, Sultan Kudarat atol sa gihimong operasyon alas 9:00 sa Gabie niadtong Sabado November 11, 2017 dinhi sa dakbayan sa Gensan.

Suspek nailang si Joy Nadar, 46, Acting Municipal Treasurer ug bana niini nga si Jojo Nadar, legal age pulos lumulupyo sa Malesido Homes, Barangay San Isidro , General Santos City.

Pinasikad sa 3 ka mga search warrant nga pinirmahan ni hon. Judge Panambulan Mimbisa gisulod sa PDEA-12, inabagan sa kapulisan ang 3 ka panimalay sa mga nahisgutan ug malampusong nga narecover ang 5 ka dagkong sachet sagikatahapang shabu nga gibana-banaang anaa sa 50 gramos nga nagkantidad ug P250,000.00. nakuha usab sa panimalay sa mga suspek ang 2 ka matang sa eksplusibo ug mga bala.


Sumala pa ni Dir. Castro nga ang nasangpit ang lakip sa ilahang high value target ug mga myembro sa Sohis Drug Group.

kasong kalapasan sa RA 9165 ug Illegal Possession Of Explosives ang atubangon nga kaso sa mga nasangpit nga dinakpan nga kasamtangan balhog na sa silda sa PDEA Regional Office 12. (Dave Silangan)

Facebook Comments