Mutya 2019: 3 Top Contenders pilion

81

Davao City – Gawas sa korona doblado usab ang daugon nga cash prizes sa mudaog sa Mutya ng Davao atol sa coronation day karong Sabado alas-3:00 sa hapon sa RMC, Petro Gazz Arena.

Sa interbyu sa RMN Davao kang Mutya ng Davao event Director Dan Salvaña nga sukwahi sa naandang lima, karong tuiga tulo nalang ka winners ang pilion, ang Mutya ng Davao, Diwa ng Davao (1st runner-up) ug Sinag ng Davao (2nd runner-up).

“Because we already have 3 major pageants which is Mutya ng Davao, Ginoong Davao and Reyna Dabawenya. The winners will be the ambassadors and the ambassadress of our city I think tama lang din naman at doubled na rin iyong premyo unlike before that we only have 5 winners from Mutya only ngayon tatlong pageants na,” matud ni Salvaña.

Ang makoronahang Mutya ng Davao modawat og P200K, 1st runner-up kay P150,000 ug 2nd runner-up mudawat og P100,000 cash prizes.

Gibutyag niini nga “Shine” ang tema karong tuiga.

“We are looking for that lady who will really shine in terms of their physical beauty, in terms of their intelligence, personality and advocacy,” matud ni Salvaña.

Gisulti ni Salvaña nga konektado sa temang Shine ang opening number sa 15 candidates atol sa koronasyon.

Gipangandaman usab nila ang bongga nga stage set-up.

“We are thinking of something na nag-gi-glitter, mga gems and mga sparkles,” matud ni Salvaña.

Samtang alas-3:00 sa hapon karong adlawa tulo ka winners ang pilian atol sa Mutya ng Davao Talent Competition sa SM City Davao Annex.

“The event today is very important because all the scores from the talent competition will comprise 15% for the final score sa pagpili ng top 6 during coronation,” segun ni Salvaña.

Modawat ang Mutya Best in Talent og P10,000, ang 1st runner-up P7,000 ug 2nd runner up P5,000.

Samtang, karong March 1 Biyernes ang public presentation sa mga kandidata atol sa Pasiugdang Pagsaulog sa Rizal Park alas-5:00 sa hapon.

RadyoMaN Aimee Guinita

Facebook Comments