Mutya ng Davao 2019

Davao City – Maanyag, talentado ug labaw sa tanan, manggi-alamon: Kini mao ang paghulagway sa mga kandidata sa ‘Mutya ng Davao 2019’ diin 15 ka mga finalists nga adunay nagkalain-laing dalang adbokasiya ang nagtigi sa korona niadtong Coronation Day niadtong March 2, 2019 sa may RMC Petrogazz Arena.

Ang tinuig nga beauty pageant usa sa mga prestihiyosong event highlights ug aktibidad nga dili gayud mawala matag kasaulogan sa annual Araw ng Davao Founding Anniversary.

Matag tuig, nagkadaiyang klase sa katahum sa mga Dabawenyang Pilipina ang masud-ong sa ‘Mutya ng Davao’ nga mao usab ang gikahinam-hinamang masaksihan sa mga Dabawenyo ingon man sa mga mga bisita ug turista.


Karong tuiga, tulo na lang ka mga mananaug ang gideklara nga mao ang ‘Sinag ng Davao,’ ‘Diwa ng Davao’ ug ‘Mutya ng Dava’o gikan sa lima itandi sa niaging mga katuigan.

Subay niini, gikoronahang ‘Mutya ng Davao 2019’ mao si Clydel June Tabacolde, 23 anyos nga taga Buhangin ning dakbayan ug usa ka physical therapist intern.

Sa pakighinabi sa Davao media sa Dabawenya titlist, wala nagdahum si Clydel June nga siya maoy napiling ‘Mutya’ gumikan sa kahawud manubag ug kaanyag usab sa iyang mga kaubang kandidata.

“I feel really amazed because I didn’t expect to win but I did my best throughout this journey and I’m really proud of myself for that,” sumala ni Tabacolde.

Sa gihimong koronasyon, gilabay usab kini nga pangutana ngadto sa tulo ka mga nabiling 3 finalists: “There are women who are suffering silently in the dark because of abuse and discrimination. As a Davaoeña, what is your message to these women for them to regain courage and shine again?”

Kini maoy nahimong tubag ni Tabacolde: “As your probable ‘Mutya ng Davao 2019,’ I will use my platform to communicate with the other women not only in Davao but also in the whole Philippines by using social media. And with that, I wanna send a message to them that you’re not alone, you have us, you have me and I have other people by helping us gain together and work together to gain up each other’s courage because we should gain each other’s respect for one another and also give each other inspiration to bring us up and also live with dignity.”

Human sa iyang tubag, syagit inubanan sa grabeng cheer kun paghugyaw ang nilanog gikan sa excited audience niadtong tungora ilabi na niadtong gitawag na ang iyang pangalan isip ‘Mutya ng Davao 2019’ Grand Winner.

Gawas kang Tabacolde, gideklara usab nga ‘Diwa Ng Davao’ si Jeriza Uy samtang ‘Sinag ng Davao’ mao si Eula Cristine Napuli.

Ang ‘Mutya ng Davao 2019’ usa sa mga highlights sa ‘82nd Araw ng Davao’ gawas sa ‘Datu Bago Awards,’ ‘Parada Dabawenyo’ ug mga bag-ong pageants karong tuiga nga ‘Ginoong Davao’ ug ‘Reyna Davaoeña.’

Tinuod gayud nga pinaagi niining maanindot ug mabulokon nga aktibidad, mas maila pa sa tibuok nasud ingon man sa tibuok kalibutan ang talagsaong katakos ug abilidad sa mga Dabawenya ug makaingon gayud ang tanan nga “lahi ra gyud ang Dabawenya!”

RadyoMaN Renz Barbarona

Facebook Comments