Myembro sa NPA nga naga lihokan sa Sarangani kapin 20 nalang

General Santos City–Anaa nalang sa kapin 20 ka mga myembro sa Guerilla Front 71 sa New People’s Army ang naga lihokan sa Sarangani Province ug Davao Occidental human nga daghan na ang milablik sa sabakan sa gobyerno tungod sa kalisod nga gibati sa kabukiran mao kini ang nahimong pagbutyag ni 1st Lt. Darryl Cansancio ang commanding officer sa Alpha Company sa 73rd IB Philippine army.

Sumala pa ni Lt. Cansancio daghan na ang mitahan ug napatay sa mga operasyon sa kasundalohan sa kabukiran hinungdan nga nag kaanam ug kagamay ang mga myembro sa rebelding grupo nga NPA sa kabukiran.

Gani bisan ang tag-as nga lider sa nasangpit nga grupo ang mibalik na sa sabakan sa gobyerno partikular na si Alyas Dong nga kanhing kumander sa Guerilla Front 71 samtang daghan usab nga mga armas ang nakumpiska sa kasundalohan hinungdan nga mihuyang ang ilang pwersa.


Sa pikas bahin Gikabutyag man usab ni Lt. Cansancio nga magpaabot lang sila sa kamanduan gikan sa ilang higher headquarters kabahin na sa nahimong pulong ni Presidente Rodrigo Duterte nga magmugna siya ug sparrow unit nga maoy maggukod sa mga myembro sa NPA tungod kay sa karon berbal palang kini ug wala pay pormal nga mando.(Dave Silagan)

Facebook Comments