General Santos City–Patay sa gipahigayon nga Buy-Bust Operation sa Polomolok Police Station ang kanhing Police nga nailang usa ka Joel Labuen, 38 anyos nga taga Barangay Poblacion, Polomolok, South Cotabato ingon man ang duha ka kauban niini nga gi-ilang Silang Garry Norcos, 37 anyos nga nanimuyo sa Poblacion, Polomolok ug alyas Kooky human nga nakig-pinusilay matud pa sa mga otoridad alas 7:15 ang takna sa gabie sa Barangay Cannery Site, Polomolok.
Sumala pa ni Police Captain Rommel Hitalia, Deputy Chief Of Police sa Polomolok Municipal Police Station nga ang nasangpit nga suspect ang kanhing myembro sa PNP apan na dismiss ang kaso niadtong milabay nga mga tuig tungod kay nagpositibo kini sa gipahigayon nga random drugtest sa kapulisan.
Samtang ang kauban niini nga si Norcos ang gidudahan sa kapulisan nga adunay kalambigitan sa pagpusil patay sa kanhing Deputy Chief Of Police sa Polomolok Municipal Police Station nga si Police Captain Gabat.
Sa kasamtangan ginasuta pa sa kapulisan kung usa ba ka organisadong grupo ang mga nahisgutang suspect.
Nakuha sa posisyon sa mga nasampit ang P500.00 nga mark money ug ang usa ka sachet sa gituohang shabu ingon man ang armas nga gamit sa mga suspect nga caliber 45, 38 klaibre nga revolver ug usa ka 9mm nga pistola ug mga bala. (Dave Silagan)
