Na-relieve nga Police sa Tantangan, walo lang

8

General Santos City–Gikumpirma ni Police Col.Joel Limson ang provincial director sa sa South Cotabato Police Provincial Office nga walo lamang ang na-relieve nga pulis sa Tantangan Police Station human nga walay nakit-an nga mga personahe sa maong estasyon ang mga taga NAPOLCOM atol sa gihimo niining inspeksyon.

Sumala pa ni Limson nga gibalhin ang walo ka pulis sa Tampakan Police Station ug Lake Sebu samtang lima ang nagpabilin sa Tantangan Police Station apil na ang hepe nga si Police Captain Romeo Albano Jr. tungod sa balido niining rason.


Dugang pagbutyag sa opisyal nga niadtong higayona kumpleto ang 13 ka mga pulis nga nagduty ug wala lang kini naabatan sa NAPOLCOM gumikan kay ang uban naa sa checkpoint sa hi-way ug ang uban nagkaon pa.

Nagadepende lang matud pa kini sa resulta sa imbestigasyon sa kapulisan ug Napolcom kung si kinsa sa 13 ka mga pulis nga dunay nahimong kalapasan nga posibleng mag atubang ug kasong administratibo. (Reynald Timario)

Facebook Comments

From Advertisers