Sumala sa Coast Guard Station Surigao del Sur, samtang nanagat ang biktimang giila nga si Mitricks Plaza, 19 anyos taga- Purok Nangka, Barangay Sta. Felomina, Cateel, Davao Oriental uban ang laing duha pa ka mananagat nahulog kini sa dagat tungod sa kakusog sa balod.
Nawala na kini sa panan-aw sa iyahang mga kaubanan ug nagpalutaw-lutaw kini sa pila ka oras.
Samtang galawig ang usa ka foreign vessel nga MV Swift Yangzhou nakita sa mga crew ang biktima sa dagat pasado alas 5pm sa hapon ug dali kini nilang gisalbar.
Gi-turn over sa mga crew sa barko ang biktima ngadto sa Coast Guard Surigao del Sur ug nipailawon kini og medical attention sa Clarence T Pemintel Jr (CTP) Mining Wharf, Barangay Adlay, Carrascal, Surigao del Sur.
Gikan sa Cateel, Davao Oriental nibyahe ang pamilya ni Plaza aron makauli na sa hingpit ang biktima.
RadyoMaN Aimee Guinita
