Naanod sa suba nga lalaki sa Barangay Mansilingan kahapon nasapwan sa Barangay Singcang kaina sang aga nga isa na ka bangkay

17

Bangkay na sang nasapwan sini nga aga sa Calong-Calong, Brgy. Singcang Airport ang isa ka lalaki nga nadula matapos gin-anud sa suba kahapon sang hapon sa Brgy. Mansilingan, Bacolod City.

Ang biktima ginkilala kay Rico Mirasol Sr. base sa kumpirmasyon mismo sa DYHB sang iya bata nga si Rico Mirasol Jr.

Base sa imbestigasyon sang Police Station 8, ang biktima ang nasapwan sang isa ka mangingisda mga las 7:10 kaina sang aga nga naga lutaw-lutaw sa baybayon sang Calong-Calong Zone 4, Brgy. Singcang Airport.

Suno sa pulis ang biktima may pila sa iya agtang sa diin ginahibalo pa ang kawsa sang iya kamatayon.

Madumduman nga kahapon sang hapon, ginreport nga may naanod nga isa ka lalaki sa suba sa area sang Purok Kahirup B, Brgy. Mansilingan, ciudad sang Bacolod matapos nagdaku ang tubig bangud man sang pagtupa sang mabunok nga ulan.

[image: image.png]

Facebook Comments