NABAGNUS ANG ULO | Lalaki nadisgrasya sa motorsiklo sa San Enrique, Iloilo, patay gid!

2767

Report ni: Tita Jen Palomo Debaja

Isa ka aksidente sa dalan ang nagluntad takna alas 7:30 subong lang gid nga gab-i sa Brgy. Compo, San Enrique kon sa diin nadulaan gid sang hulam nga kabuhi ang biktima nga ginkilala kay Allan Grecia, 26 anyos sang Lincud Dingle, Iloilo.

Base sa FB post ni Mrs. Dolores Rivera Pacardo, nakibot na gid lang ang mga ini sang may gulpi naglagapok sa karsada sa atubang sang ila puluy-an rason nga dali-dali sila nga nag gwa agud mangusisa.

Nagtambad sa ila ang duguon nga biktima nga ginapatihan natumba sa gina maneho nga motor.

Dali-dali nga nagtawag sa San Enrique PNP ang residente sa nasambit nga lugar kag madasig man nga nag responde ang kapulisan.

Gilayon nga gindala sakay sa ambulansiya ang biktima sa Don Valerio Hospital Passi City apang gindeklara nga DOA sang attending physician.

Base sa pahayag sang nakakilala sa biktima, nagdul-ong ini sang pasahero sa banwa sang San Enrique kag naga pauli na kon tani sang natabo ang aksidente. Ginapatihan naka inom ang biktima rason nga na disgrasya ini.

Facebook Comments