Nabakunahang mga nag-edad 65 anyos nga senior citizens di gihapon pweding mogawas

Davao City – Wala pay direktiba nga tugtan mogawas ang mga nabakunahan kontra COVID-19 nga mga senior citizens nga nag-edad 66 anyos pataas.

Sa eksklusibong interbyu sa DXDC RMN Davao kang Dra. Annabelle Yumang, Department of Health Region XI Regional Director, kinahanglan gihapong magpundo sa balay ang mga senior citizens bisan pa ma’g nabakunahan na kini.

Sa guidelines, 18 anyos hangtod 65 anyos pa lang ang gitugotang makagawas.


“Masking nabakunahan na sila, wala pa gyud sila gitugutan. Ang gitugutan pa lang sa atong palisiya katong 65 years old below pa lang,” segun niini.

Matud ni Yumang, kinahanglan gihapong tumanon ang minimum health protocols sama sa pagsuot og face masks, pagtuman sa social distancing ug paglikay sa mga mass gathering.

Gikanayon sa DOH kinahanglang makab-ot ang dakong porsyento sa populasyon nga mabakunahan kontra COVID-19 usa matugtang makagawas ang mga 66 anyos pataas.

RadyoMaN Aimee Guinita

Facebook Comments