NABANI-OG NGA TOTAL LOCKDWON SA ILIGAN WALAY KAMATU-ORAN O FAKE NEWS

Gipaklaro karon sa Inter-agency Task Force on COVID 19 sa dakbayan sa iligan nga walay kamatuoran ang mi circulate karon sa social media labot sa giingong lockdown sa iligan city.

 
Matud ni City Information Officer Jose Pantoja nga walay lockdown nga mahitabo sa iligan apan ang pagpadayon lamang sa Enhance Community Quarantine.  

Mismong si City Mayor Celso Regencia matud pa ang nagpasabot niini nga walay mamahimong lockdown sa syudad.  


Katuyo-an sa nagpadayon nga Enhance Community Quarantine nga mahunong na ang pagkuyanap sa Corona Virus Disease o COVID 19.  

Hinungdan nga kinahanglan gayud ang katawhan sa iligan mokooperar niini ug padayon nga mosunod sa kamandu-an gikan sa mga opisyal sa syudad, kapulisan, kasundalohan ingon man sa mga doctors.  

Dili dayon dali nga motoo sa bisan unsa man nga taho gawas lamang kun aduna kini kumpirmasyon gikan sa DOH ug sa City Health.

Facebook Comments