NABUN-AN SA FIESTA| Duha ka lalaki , patay sa separado nga stabbing incident sa Imbang Grande, Passi City

970

Lunsay dead on arrival sa hospital ang duha ka biktima sa separado nga stabbing incident sa Brgy. Imbang Grande, Passi City kahapon, Disyembre 8.

Samtang nagaselebrar sang ila kapiyestahan, nabun-an alas 6:00 kagab-i si Ronaldo Pareja, 36 anyos.

Ginkilala ang suspek kay Nieva Pareja, 37 anyos kag magulang sang biktima.

Base sa imbestigasyon sang Passi City PNP, naga-inum-inom ang duha sang nagluntad ang pagbina-isay tubtob ginbuno ni Nieva si Ronaldo.

Gindala pa sa hospital ang biktima apang ginbawian gid sang kabuhi.

Boluntaryo naman nga nagsungka sa Passi City Police Station si Nieva.

Samtang, alas 11:50 kagab-i , nabun-an man sanday Jovanny Baros, 34 anyos, Allan Alemania, 37 anyos kag Ruel Jay Bañares, 18 anyos.

Ang mga suspek amo sanday Jay, 21 ; Mark , 22; kag Ro Jawili, 31anyos.

Gindala sa hospital ang mga biktima apang gindeklara nga dead on arrival si Baros.

Arestado sanday Ro kag Mark Jawili samtang atlarge naman si Jay Jawili.

Facebook Comments