NADAKPAN | Downline ni the late PDEA identified drug group leader Melvin Odicta nga si Michael Jancilan, nadakpan sang Mandurriao PNP

Mandurriao, Iloilo City – Nadakpan kaina sang hapon, Pebrero 14 si Michael Jancilan, ang downline ni the late PDEA identified drug group leader Melvin Odicta.

Sa interview sang RMN iloilo kay Police Chief Inspector Juvy Navales, hepe sang Mandurriao PNP, iya ginpahayag nga nadakpan si Jancilan sa bulaluhan sa San Rafael, Mandurriao pinaagi sa pagserbe sang warrant of arrest sa kaso nga illegal possession of firearms.

Dugang pa niya nga halin sa Mindanao si Jancialan kag nagasaylo-saylo sang lugar.


Ginpahayag ni Navales nga madamo sang criminal accusation batok kay Jancilan kag suspek man ini sa pagpatay kay SPO2 Rex delos Reyes kag sa isa ka police officer 1 sa Pavia, Iloilo.

Natalana naman nga i-verify sang Mandurriao PNP sa Lunes ang iban pa nga kaso nga ginaka-ulamiran ni Jancilan.

Gin-athag ni Navales nga wala nalakip ang ngalan ni Jancilan sa mga sa listahan sang mga drug personality sa bahin sang Mandurriao.

Facebook Comments