NADAKPAN LIWAT! | Ex-convict, Myembro sang kidnap for ransom nga Ilonggo group, leader sang Liston Gang, kag happy go lucky gang, nadakpan sang kapulisan!

Nadakpan sang kapulisan alas 2:10 kaina sang kaagahon pinaagi sa buy bust operation ang bantog nga si Gil Pabriaga, 51 anyos kasado kag residente sang barangay Mabini, Sara, Iloilo upod si Mark Deraco, 31 anyos kag Eugene Occena, 30 anyos kag lunsay residente sang Bolilao, Mandurriao.
Narecover sa ila posisyon ang 2 ka 38. revolver kag 17 ka sachet sang illegal nga droga.
• Sa pagpangusisa sang RMN news team, gin ako ni Gil Pabriaga nga myembro sya anay sang Ilonggo group nga sikat nga grupo sa kidnap for ransom sa bata sang mga intsik sang una kag bantog sa pagkadamu sang establishemento nga ila gin sulod sa probinsya sang Iloilo kag sa banwa sang Sara pati na sa siudad sang Iloilo.
Leader man sya sang liston gang nga isa ka robbery group nga gagamit sang liston kag amu ang ila gina gamit mag posas sa ila mga mabiktima.
Myembro man sya sang HGL ukon happy go lucky sa muntinlupa sang ini sya maconvict sa kaso nga robbery sa sulod sang 18 ka tuig.

Facebook Comments