Sa interbyu sa DXDC RMN Davao kang Police Corporal Ronnel Matalang, personahe sa Santo Tomas MPS, ang suspek mao si alyas JP, 22 anyos, negosyante, residente sa Brgy Tibal-og, Santo Tomas, Davao del Norte.
“Naa pa diri karon (ang suspek) sa among custody. Ang NBI ang nag-file og case ani,” sulti sa pulis.
Ang dinakpan mag-atubang og kasong Robbery Extortion ug Usurpation of Authority isip NBI, ug paglapas sa Republic Act (RA) 10591 kun “Comprehensive Firearms and Ammunition Regulation Act”.
Nakuha sa posisyon sa dinakpan ang 1 ka M16 rifle colt, 2 ka magazines nga adunay bala, 2 ka NBI uniform polo shirt, bull cap, handheld radio, ug NBI agent identification cards, ug uban pang gamit.
Matud sa Santo Tomas MPS, walay kanhi record kanila ang dinakpan.
RadyoMaN Kirby Manzon
