Nadakpang pusher dunay kasong pagpatay

44
Davao City – Nautingkay ni Sta. Ana Police Station Commander Police Major Jake Goles nga adunay kasong murder ang nadakpan nilang drug pusher sa buybust operation niadtong June 23, 2022.

Gibutyag ni Goles nga gikonsiderag Top 2 Most Wanted Person CITY LEVEL ang suspek nga si Justin Antonio Gallardo, alias Gamay, 20 anyos, taga-Brgy. 23-C Prk. 5, Davao City.

Sulod sa detention facility, gisilbi ang warrant of arrest sa kasong murder nga giisyu niadtong Mayo 24, 2022 ni HON. DANTE A. BAGUIO sa RTC Branch 12, Davao City nga walay girekomendar nga piyansa.

Matud ni Goles, nasayrang aduna kiniy rekord isip Child in Conflict with the Law (CICL) ug gisusi pa nila kung sakop ba kini sa gang kaniadto.

“SOP man siya na i-record check nato ang tao, upon verification namo sa records and sa warrant’s section namo lumabas iyong pangalan niya na may warrant siya, na meron siyang murder case,” sumala niini.

Naduso na usab batok sa suspek ang kasong paglapas sa RA 9165 o Comprehensive Dangerous Drugs Act of 2002.



RadyoMaN Aimee Guinita

Facebook Comments