Nadamay nga bus sa Cotabato bombing dili gikan sa Davao

41

Davao City – Gikumpirma ni Tulunan Mayor Reuel Liumbugan nga dili sa mismong bus nahitabo ang pagpamomba partikular na sa National Highway, Barangay Sibsib, Tulunan, North Cotabato alas-12:30 kagahapon sa udto (Enero 27, 2021), diin usa (1) ang namatay.

Sa inisyal nga impormasyon, nahitabo ang pagbusikad sa usa ka ticket booth sa area diin nadamay sa impact niini ang naka-parking nga bus diin usa patay ug duna pud samdan.


Samtang, sa interbyu sa DXDC RMN Davao kang Aiza Usop, DCOTT gibutyag niini nga subay sa impormasyon nga gipaabot sa kumpanya sa bus, wala naggikan dinhi sa syudad sa Davao ang maong sakyanan, sukwahi sa naunang impormasyon nga mikatag sa social media.

“Mismong ang tag-iya sa YBL (Yellow Bus Line) ang nagtawag nato nga dili gikan sa Davao City ang maong bus. Akoa pang gina-confirm (kung asa gikan ang bus), pero confirmed nga dili from Davao,” segun ni Usop.

Hugot usab karon ang gihimong seguridad sa DCOTT pinaagi sa Task Force Davao (TFD) aron kalikayan ang insidenteng pagpabusikad sa maong lugar.

RadyoMaN Kirby Manzon




Facebook Comments