BACOLOD CITY – Ginpa-blotter sa police ang isa ka soltero nga nag-inom inom sa isa ka kiosko sa Bacolod City public plaza matapos nga ini ang wala sang inugbayad may mga las 12:30 sang kaagahon sadtong Sabado, Octubre 20, 2018.
Nakilala ang lalaki nga amo si Jamesky Alvarez, 20 anyos ang edad, pumuluyo sang Purok Cagaycay, Brgy. 2, Bacolod City.
Suno sa tag-iya sang kiosko nga si Alaine Alemar, 26 anyos ang edad, residente sang Purok Fortune Town, Brgy. Alegria banwa sang Murcia nagsulod sa iya kiosko ang suspek kag nag-order sang ilimnon.
Nagdangat sa kapin P1,600 pesos ang bill ni Alvarez apang sang ini ang ginsukot na, wala gali ni sang inugbayad kag nagpangako nga iya ini bayaran sa masunod nga adlaw.
Apang tubtub kagab-i wala gid nakabalik ang suspek gani ini ang ginpa-blotter na gid lamang ni Alemar sa Police Station 1./dyHB BACOLOD
